الاثنين، 15 أغسطس، 2011

الرئيس مبارك هو السبب؟؟؟؟؟!!!!

تم اليوم اقتطاع حق الشعب المصرى من دم مبارك وابنيه -علاء وجمال - على مرئى و مسمع من العالم اجمع داخل ساحة القضاء بأكاديميه الشرطة بالتجمع الخامس فى تانى جلسه استماع وخارج اسوار المحكمه تجمع الاف من انصار ومعارضين للرئيس مبارك وحدثت مشادات بين الطرفين وتدخلت قوات الشرطة والجيش لوقف المشادات .
ايه يا مصريين عايزين ايه بالضبط عايزين ديموقراطيه ولا علوئيه ولانطاعة ولا خليجى يصرف عليكوا وعلى اهليكوا ولا عايزين الفوضى تستمر , مخبيين صوت الحق والعقل ليه ماشيين ورا الرمم والصيع -ناشطيين حقوقيين -ورايحين على فين فين شهامه وطيبه المصريين وفين همة الشباب فين انوثه البنات فين عطف الاباء والامهات ليه بتشخبطوا على الصورة الحلوة للشخصيه المصريه .
هتقوموا امتى توقفوا من تانى بعد محاكمه مبارك ولا بعد انتخابات مجلس الشعب ولا بعد انتخابات الرئاسه ولا ملكمش مزاج توقفوا تانى ولاايه انتوا نايمين ولا خايفين ولا ميتين .
فين الايد اللى بتبنى واللى بتعلم وتربى وتقول دة صح ودة غلط اييه ياناس عايزين تعيشوا من غير متعرقوا مش عايزين نظام ولا احترام , عايزين جهل و تخلف قوم يا مصرى وارسم بلدك ومستقبلك من تانى انت مش عارف انت ابن مين اقوم وشيل تراب الكسل والجهل انت تقدر تهد الجبل بهمتك اقومى يا ام وعلمى ولدك الرجوله بتكون ازاى وازاى تكون موجود من غير وجود يلا داحنا الفراعنه اللى قطعنا الجبل ورسمنا من اول وجديد من غير مكن فيييييييييييين ولادنا العلماء فين بناتنا الاشداء ؟ ؟ ! !